mod

I don't understand what this song means but good poetry nevertheless.

=========================
is mod se jaate hain kuchh sust kadam raste kuchh tez kadam raahen
patthar ki haweli ho sheeshe ke gharondon men tinkon ke nashe man tak is mod se jaate hain
is mode se jaate hain..

aandhin ki tarah udkar ik raah gujarti hai
sharmati huyee koi kadmon se utarti hai
in reshmi raahon men ik raah to vo hogi
tumtak jo pahunchti hai is mod se jaati hai
is mod se jaate hain..

ik door se aati hai paas aake palati hai
ik raah akeli see rukti hai na chalati hai
ye soch ke baithee hun ik raah to vo hogi
tum tak jo pahunchti hai is mod se jaati hai
is mod se jaate hain kuchh sust kadam raste
kuchh tez kadam raahen
patthar ki haweli ho sheeshen ke gharondon men tinko ke nashe man tak
is mod se jaate hain
is mod se jaate hain.